ّبرنام تحت عنوان کتاب بکیر،کتاب بګذار در پوهنتون تخنیکي غزني
د کتاب واخله، کتاب کېږده دوه ورځنی نندارتون پای ته ورسيد!
۰۲ / جمادی الاولی/ ۱۴۴۶ھ.ق
۱۴/ لړم/ ۱۴۰۳ لمريز
۰۴/ نومبر/ ۲۰۲۴ ميلادي
نن ورځ دوشنبه د غزني تخنيکي پوهنتون په انګړ کې د اطلاعاتو او کلتور ریاست په نوښت د غزني تخنیکي پوهنتون په همکاري (د کتاب واخله کتاب کیږده) تر عنوان لاندې د کتابونو دوه ورځنی نندارتون پاېته ورسيد.
یاد نندارتون چې تيره ورځ يکشنبه پرانيستل شو، پر مهال يې د غزني تخنيکي پوهنتون رئيس پوهنمل فدا محمد محمدي، د علمي څيړنو مرستيال پوهنيار ذبيح الله عابد، استادانو، مديرانو، د غزني ولايت د اطلاعاتو او کلتور رئیس ملا حمیدالله نثار، د ياد رياست نورو مسؤلينو، سلګونه زده کړيالانو او د مطالعې علاقمندانو شتون درلود.
د غزني تخنیکي پوهنتون رئیس پوهنمل فدا محمد محمدي د خبرو پرمهال د مطالعې کلتور عامولو او مطالعې ته د زده کړیالانو د هڅونې په برخه کې د دا ډول نندارتونونو جوړول ګټور وبلل، نوموړي له ځوانانو وغوښتل، چې په یاد نندارتون کې د یوه کتاب په اخیستلو او یوه کتاب په کیښودلو سره ګډون وکړي، د نوموړي په وینا هغه کتابونه، چې تاسو مخکې لوستلي دلته يې په بدل کې داسې کتاب ترلاسه کولای شئ، چې تر دې وړاندې مو نه وي مطالعه کړی.
د یادونې وړ ده چې په یاد نندارتون کې د غزني تخنيکي پوهنتون له لوري ۳۵۰ جلده بېلابېل دیني، کلتوري، ادبي، ټولنيز او اقتصادي کتابونه نندارې ته وړاندې شوي وو.
