!د غزني تخنيکي پوهنتون کارمندانو ته د آمربالمعروف او نهي عن المنکر قانون دریمه برخه تشريح شوه
۱۱/ رمضان الکريم/ ۱۴۴۶ھ.ق
۲۱/حوت/ ۱۴۰۳لمريز
۱۱/ مارچ/ ۲۰۲۵ميلادي
نن ورځ سه شنبه، د غزني تخنيکي پوهنتون د دعوت او ارشاد آمریت له لوري د پوهنتون کادري، اداري او خدماتي کارکوونکو ته د اصلاحي عقيدوي درسونو په لړۍ کې د آمرباالمعروف او نهي عن المنکر وزارت قانون اړوند رسمي جریدې د توشیح سوي فرمان د مادو د تشريح سيمينار دریمه برخه دائره شوه.
سيمينار د قرآن کریم د مبارکو آیتونو په تلاوت سره پیل شو. ورپسې، د غزني تخنيکي پوهنتون د دعوت او ارشاد آمر مولوي عبدالرحمن سعد ، د آمرباالمعروف او نهي عن المنکر وزارت قانون رسمي جریدې د توشیح شوي فرمان د مادو تشریح پیل کړه.
نوموړي په خپله وینا کې د امر باالمعروف او نهي عن المنکر قانون د اړوندو مادو تفصیل وړاندې کړ او د پوهنتون کارکوونکو ته یې د دې قانون په اړه ژوره پوهه ورکړه. د سيمينار پرمهال، مولوي عبدالرحمن سعد د سیمینار په دریمه برخه کې د دغه قانون له پنځه ويشتمې مادې تر پنڅه دیرشمي مادې (ترپایه) پوري ګډونوالو ته معلومات ورکړل.
په سيمينار کې د ګډونوالو پوښتنو ته ځوابونه ورکړل شول او د هغوۍ اندېښنې او پوښتنې حل شوې.
دغه سيمينار د حاضرینو له فعال ګډون او غور څخه وروسته په دعا سره پای ته ورسېد.
د سیمینار په پای ته رسیدو سره، ګډونوالو د دغه قانون په اړه نوي معلومات ترلاسه کړل چې د خپلو دندو او مسئولیتونو په برخه کې به ورته ګټور ثابت شي.
