د غزني تخنیکي پوهنتون د محصلینو علمي پرکتیک
ناور ولسوالي ته د جیولوجي او کانونو انجنیري پوهنځي د اتم او شپږم سمستر محصلانو علمي پرکتیک پایته ورسید!
۲۴ / صفرالمظفر/ ۱۴۴۶ھ.ق
۰۷/ وږی/ ۱۴۰۳ لمريز
۲۸/ اګست/ ۲۰۲۴ ميلادي
تیره ورځ سه شنبه ناور ولسوالي ته د غزني تخنیکي پوهنتون د جیولوجي او کانونو پوهنځي د کانونو اکتشاف انجنیري څانګي د اتم او شپږم سمستر محصلانو لس ورځنی علمي پرکتیک پای ته ورسید.
د غزني تخنیکي پوهنتون د جیولوجي او کانونو پوهنځي د کانونو اکتشاف انجنیري څانګي محصلانو د جیولوجي عمومي او جیولوجي ساختماني علمي پرکتیک چي استادانو یې ملتیا کوله د تجربو حاصلولو، عملي کارونو او د یو لړ کاني ساحو د لیدنې په موخه د غزني ولایت ناور ولسوالي ته لس ورځنی علمي سفر پایته ورساوه.
په یاد علمي پرکتیک کي د ذکر شوي ځانګي د اتم سمستر ۳۹تنه او د شپږم سمستر ۴۷ تنه محصلان شامل و، چي پرمهال یې د لیتیمو معادن، بند بهایې، بهایې ولکان، د کوریلا په ساحه کي د تراورتینومعدن، خواجه غریبا ولکانو، د ګچو معدن او نورو مختلفو ساحو څخه لیدنې ترسره کړې.
د یادولو وړ ده چي؛ د غزني تخنیکي پوهنتون د جیولوجي او کانونو انجنیري پوهنځي د سیول څانګې (۲۲) دوه ویشت تنه زده کړیالانو هم تیره ورځ د غزني ولایت د سردې بند ته علمي پرکتیک ترسره کړی وو.
