د غزني تخنیکي پوهنتون نوو شامل شوو زده کړیالانو ته د پوهنتون پیژندني ورکشاپ وړاندي کولو په ټراو
د پوهنتون پېژندني ورکشاپ دائر شوو!
۲۹ / صفرالمظفر/ ۱۴۴۶ھ.ق
۱۲/ وږی/ ۱۴۰۳ لمريز
۰۲/ سپتمبر/ ۲۰۲۴ ميلادي
د غزني تخنیکي پوهنتون د مسلکي پرمختیايي مرکز په مرسته د الکترومېخانیک پوهنځي د ۱۴۰۳ل کال کانکور له طریقه رابریالي شویو محصلانو ته د پوهنتون پېژندني یو ورځنی ورکشاپ دائر شوو.
یاد سمېنار چي تېره ورځ یکشنبه د غزني تخنیکي پوهنتون د غونډو په عمومي تالار کې دائر شوی وو، پرمهال یې د پوهنتون رئیس پوهنمل فدا محمد محمدي، معاونینو، استادانو او لسګونه محصلانو حضور درلود.
ورکشاف له اجنډا سره سم د قران عظیم الشان د مبارکو ایاتونو په تلاوت سره پېل شو، ورپسې د پوهنتون رئیس ښاغلي پوهنمل محمدې محصلانو ته د پېل وینا پرمهال ښه راغلاست ووایه.
یاد سمینار چې په دوو برخو کې ترتیب شوی وو په لومړۍ برخه کې یې د مسلکي پرمختیایې مرکز آمر نوماند پوهنیار نیک محمد ریښتین د کریډیټ سېستم پېژندنه او د پوهنتون د تشکیلاتو، لابراتورونو، کتابتون، او نورو امکاناتو په اړه د محصلانو سره معلومات شریک کړل.
تر هغه وروسته د غزني تخنیکي پوهنتون د الکترومیخانیک پوهنځي استاد او د برق څانګي آمر پوهنمل دوست محمد سروري د لوړو زده کړو وزارت مهم لوایح، قوانین او د نظم او ډیسپلین پالیسي تشریح کړه.
یاد سمینار د دعا په ویلو سره پایته ورسید.
