غزني تخنیکي پوهنتون ته د اعتبار ورکولو د لومړۍ مرحلې ارزوني بهیر پای ته رسیدو په تړاو
غزني تخنیکي پوهنتون ته د اعتبار ورکولو د لومړۍ مرحلې ارزوني بهیر پای ته ورسید.
۲۰/صفرالمظفر/۱۴۴۶ سپوږمیز
۰۳/وږی/۱۴۰۳ لمریز
۲۴/اګست/۲۰۲۴ زېږدی
د کېفیت تضمین او اعتبار ورکولو د لومړۍ مرحلې ارزوني بهیر د پنځو کاري ورځو په جریان کي له دوشنبې څخه تر نن شنبې ورځې پوري د لوړو زده کړو محترم وزارت د کیفیت د تضمین او اعتبار ورکولو محترم ریاست څخه د راغلي (۵) کسیز پلاوي هریو:
1. پوهنوال رضوان الله ممله وال د ننګرهار پوهنتون استاد
2. پوهنمل دوکتور قدرت الله ځواک د شیخ زاید پوهنتون استاد
3. پوهنمل محمدامین امین د کابل پولي تخنیک پوهنتون استاد
4. نعیم الله مومند د لوړو زده کړو د تحصیلي بنسټونو د تضمین کیفیت آمر
5. د خصوصي تحصیلي بنسټونو د برنامو اعتبار ورکولو کارپوه محمدراشد راسخ له لوري پاي ته ورسېده.
یاد پلاوي د پوهنتون د تضمین کیفیت او اعتبار ورکولو د لومړۍ مرحلې ټول اسناد په دقت او پوره پاملرني سره وڅېړل او همدا ډول یې د غزني تخنیکي پوهنتون له ټولو اسانتیاوو او امکاناتو لیدنه وکړه.
نوموړي پلاوي نن شنبه د غزني تخنیکي پوهنتون له رهبری سره خپله ورستۍ غونډه کې د ارزوني په بهیر کي د پوهنتون له هر اړخیزي همکارۍ مننه وکړه او د اعتبار ورکولو د لومړۍ مرحلې د پروسې په اړه یي د غزني تخنیکي پوهنتون رهبرۍ ته معلومات ورکړل چي پایلې به یي ډېر ژر د پوهنتون سره شریکي شي.
په دې وروستۍ ناسته کې د غزني تخنیکي پوهنتون رئیس پوهنمل فدامحمد محمدي له یاد پلاوي مننه وکړه او هیله یي څرګنده کړه چي د غزني تخنیکي پوهنتون ادارې به د پلاوي سره د دوی د غوښتنې مطابق همکاري کړې وي.
د یادونې وړ ده، چي غزني تخنیکي پوهنتون دا مهال د تضمین کېفیت او اعتبار ورکولو د لومړۍ مرحلې لپاره کانديد دی.
